Халықтың қызу қолдауымен еркектермен былғары қолғап түйістірген сұлулар сонау 19 ғасырда да болған. Бірақ мұндай жекпе-жектер жәрмеңкелерде өтетін және спорттық жарыстан гөрі шоуға ұқсайтын. Бокс форматында алғаш ресми тіркелген аралас жекпе-жек Хелен Хилдрет пен Джонни Аткинсонның арасында өткен. «Жұдырықты бикеш» атанған Хелен қарсыласын рингтің бұрышына тықсырып алып, әбден соққының астына алған. Ұрысты полиция тоқтатқан (себебі ол кезде бокс жекпе-жегі, оның ішінде мұндай күмәнді жекпе-жек оң көзқарасқа ие бола қоймаған). Аткинсон рингтен өз аяғымен түскен, ал жеңіс Хилдрет ханымға берілген.

ХХ ғасырдың орта шенінде өткен тағы бір осындай кездесу Мерион Бермудестің жеңісімен аяқталған. 1975 жылы небәрі 23 жаста болған Мерион бірінші кезеңде-ақ Эдуард Паррасты нокаутқа жіберіп, Аризона штатының «Алтын қолғап» турнирінде жеңіске жеткен. Мерион Бермудеc - АҚШ аумағында ресми турнирде ер азаматты жеңген алғашқы бикеш.

Бойжеткен әбден күшіне енсе керек, ол тек бокс рингінде ғана емес, жекпе-жектің басқа түрлерінде де ер азаматтармен күш сынасқан. Атап айтқанда, Мерион кәсіпқойлар арасындағы кикбоксинг турнир кезінде ер азаматты жеңген алғашқы әйел атанған. Бермудес ханым одан басқа каратэ және дзюдо турнирлерінде де ер азаматтармен кездесіп, жеңіске жеткен «амазонка»! Жігіттер сұлуға кешірімді болды деп айта алмаймыз, Мерион ханымның да жеңілген, және жай емес, нокаутпен де жеңілген кездері болған.

1999 жылы Сиэтлдегі шайқас тым жарнамаланған шара болғанымен, оны да тарихтың бір парағы деп қарауға болады. Одан кейін 2000 жылдары ерлер мен әйелдердің рингтегі кездесулері жиі өте бастады. Мысалы, бокста да, кикбокста да өнер көрсетіп жүрген танымал спортшы Регина Халмих 2001 жылдың 22 наурызында германдық танымал телекомментатор Стефан Раабемен қолғап түйістірді. Стефан мырза кездесуге дейін Регинаның шамына ниетін біраз әзілдер айтқаны себеп болды ма, бикеш рингте қарап қалған жоқ, оның мұрнын сындырды және бесінші раундқа жеңіске жетті.

Бұл жекпе-жектің барысын жеті миллионнан астам телекөрермен тамашалағанын ескерсек, промоутерлер «алтын көмбенің» көзін тапқан сыңайлы. Сондықтан, бізді алда әлі талай аралас жекпе-жектер күтіп тұруы мүмкін.

© confederation.kz