Литийді шыны және керамика өнеркәсібі салаларына, аккумулятор батареяларын шығаруға, металлургия өнеркәсібінде жиі қолданылады. Сарапшылар алдағы уақытта литийге деген сұраныстың арта түсетінін айтады.

2015-2017 жылдары облыста алғаш рет «Семей» СК ЖШС республикалық бюджет қаражаты есебінен Ахмер кен орнында сирек металдарға іздестіру-бағалау жұмыстарын жүргізіп, қалайы және литийдің қоры мен болжамдық ресурстарын есептеп, бекіткен. Техникалық-экономикалық негіздемеге сәйкес Жаңа Ахмер кен орны литиді ашық карьер әдісімен игеру үшін табысты болып есептеліп отыр.