Бұл матч Астана уақытымен 21:00-де басталады. Кездесуді «Оң ТВ» арнасы тікелей эфирден көрсетеді.

Кеше екі команда ойыншылары ашық жаттығу жиындарын өткізген болатын. «Астана» сапынан бұл матчқа тек Агим Ибраими ғана қатыса алмайды. Ал қорғаушы Юрий Логвиненконың жарақаты жазылған. оның алаңға қанша минутқа  шыға алатынындығын бас бапкер оның физикалық дайындығына байланысты деп отыр.

Айта кетейік, «Астана» Еуропа лигасының топтық кезеңінде В тобына түскен еді.  Бұл топта «Астана» мен «Янг Бойздан» бөлек, Грекияның «Олимпиакос» және Кипрдің АПОЭЛ командалары бар.

«Астана» бапкері алаңға бірінші кезеңде мына ойыншыларды шығаруы мүмкін: Ненад Эрич, Дмитрий Шомко, Марин Аничич, Игорь Шитов, Абзал Бейсебеков, Рохер Каньяс, Неманья Максимович, Патрик Твумаси, Серікжан Мұжықов, Азат Нұрғалиев, Джуниор Кабананга.

Ал "Янг Бойз" клубының бас бапкері Адольф Хюттер: "Қазақстанға тек  жеңеміз деп келдік",- дейді.