"Астана" клубы қазақ футболы тарихында алғаш болып Еуропа лигасының плей-офф кезеңіне өтті.
Топтық кезеңдегі соңғы ойынын Чехия астанасы Прагада «Славиямен» өткізіп, 1:0 есебімен жеңіске жетті.
Командаға жеңіс әкелген 38 минутта соққан Марин Аничичтің голы.
Бірінші таймдағы есеп сақталып, "Астана" 10 ұпаймен Еуропа лигасының 1/16 финалына шықты.
Астана плей-офф кезеңіндегі қарсыласы 11 желтоқсан күні белгілі болады. Жеребе тастау рәсімі Швейцарияның Ньон қаласында өтеді. Салтанатты шара Астана уақытымен сағат 18:00-де басталады.
