Кооператив мүшелері жылдық 6 пайызбен алған несиені жақын арада қайтарамыз деп отыр. Себебі, олар өз бизнестерінің жақсы дамитынына сенімді.

"Хантамар" 21 үй шаруашылығын біріктірген. Осы жазда сүт фермасы құрылысын аяқтауды жоспарлап отыр.

- Қазіргі таңда бізде 60 ІҚМ басы бар, оның жартысы - сауылмалы. Болашақта мал басын көбейтеміз деген жоспар бар. Оған қоса, биыл 100 гектар жер алдық, келесі жылы мал азығы өзіміздікі болады, - дейді кооператив басшысы Қайрат Карманов.

Сондай-ақ, ол:

- Несиенің арқасында біз бірден трактор мен сүт салқындататын танкер сатып алдық, - деп атап өтті.