Басып шығару нұсқасы
24.05.2018, 09:48

Головкинді белбеуінен айыру туралы IBF тыңдауы аяқталды

Халықаралық бокс федерациясының (IBF) қазақстандық боксшы Геннадий Головкинді (38-0-1, 34 КО) чемпиондық белбеуді украиналық Сергей Деревянченкоға (12-0, 10 КО) қарсы қорғауға міндеттеу жөніндегі тыңдауы аяқталды. Бұл жайында ESPN журналисі Дэн Рафаэль мәлімдеді, деп хабарлады Sports.kz.

«IBF тыңдауы төрт жарым сағатқа созылды. Оған қатысқандардың арасында қос боксшы, GGG бапкері Абель Санчес, GGG промоутері Том Леффлер, GGG адвокаттары Пэт Инглиш пен Рон ДиНикола, Деревянченконың промоутері Лу ДиБелла, Деревянченконың менеджері Кит Коннолли және Деревянченконың адвокаты Алекс Домброфф болды. Тараптар өз көзқарасын білдірді, бір-бірінің сөзін теріске шығаруға мүмкіндік болды, ал содан кейін IBF комиссиясының үш мүшесінің сұрақтарына жауап берді. Шешім келесі аптада қабылданады», — деп жазды Рафаэль.

Ұқсас сілтемелер