Еліміздің бүкіл оңтүстік бетін қамтыған бұл сапардың мақсаты – білім беру ұйымдары кітапханаларының жай-күйі, кітап қоры, цифрлы білім беру ресурстары, электронды кітапхана жұмысымен танысу. Сонымен қатар апробациядан өтетін пилотты мектептердің оқытушыларымен кездесіп, дайындық барысын көріп, сауалнама жүргізу.   Бұдан бөлек оқушылар мен студенттердің көркем әдебиетке деген ынтасын арттыратын «Оқуға құштар мектеп» жобасының жүзеге асу үдерісін бақылау.   Сапар барысында Ғани Бейсембаев Тараз облысы әкімінің орынбасары Ержан Жылкыбаев, облыстық білім басқармасының басшысы Гульнар Ходжабергеновамен кездесіп, Абай атындағы Жамбыл гуманитарлы колледжнің базасында болып қайтты.   Айта кетейік, бүгінгі таңда «Оқулық» РҒПО 2020-2025 жылдарға арналған білім беру ұйымдарының кітапханаларын перспективалық дамыту жөнінде Жол картасын әзірлеп, қолданысқа енгізу мәселелерін зерттеп зерделеуде.