Бірде Жаратқан Ие Адамнан сұрапты: «Сен менің жаратқандарымды көрдің, соның ішінде өзіңе ұқсағанды көрдің бе?» депті. Сонда Адам: «Иә, Құдай, көрмедім. Маған ұқсайтын, менімен бірге тұратын, Сені ғана мойындап, мен сияқты Саған ғана бас иетін жұбымды жаратшы» депті.

Алла тағала Адамды ұйықтатып, сол уақытта Хауа ананы жаратып, оның бас жағына отырғызып қойыпты. Адам ата оянғанда, Алла тағала одан бас жағында отырғанның кім екенін сұрапты. Адам ата: «Иә, Құдай, бұл Сен түсімде көрсеткен елес қой» деген екен. Бұл адамзаттың көрген алғашқы түсі екен. Түс көру осыдан басталған көрінеді. Былайша айтқанда, адам баласының түсіне ең алғаш Хауа ана енген-дүр.