21 мамырдан бастап Есілде кемемен серуендеу маусымы ашылады
19.05.2018ж.

21 мамырдан бастап Есілде кемемен серуендеу маусымы ашылады

Тыныштықты сейілтетін навигация маусымы 21 мамыр күні сағат 12:00-де басталады. Салтанатты рәсім «Нұрлы жүрек» әлеуметтік қызмет көрсету орталығы тәрбиеленушілерінің қатысуымен өтеді, деп хабарлайды Астана қаласы әкімдігінің ресми сайты «Есіл-Астана» МҚКК сілтеме жасап.

Есіл өзенінде кемемен серуендеу маусымы 21 мамырдан 31 қазанға дейін жалғасады.  Қала тұрғындары мен қонақтарына кәсіпорын флотындағы ыңғайлы алты кеме қызмет көрсетеді, оларға жалпы 265 жолаушы сыяды.  Амфитеатр ауданына жаяу жүргіншілер көпірінің құрылыс-монтаж жұмыстарының жүргізілуіне  байланысты,  Астана әкімдігі кемеге отыру орнын уақытша Кенесары ескерткіші маңынан ашты.  Есіл өзеніндегі кемемен жүзу бағдарының уақытша ұзындығы үш шақырым, ал серуеннің ұзақтығы 25-30 минут. Ал, уақытша билет құны нақтыланды. Ол 7-16 жас аралығындағы балалар үшін 250 теңге, ересектерге 500 теңге. Көпір құрылысы аяқталған соң «Есіл-Астана» МҚКК мекемесі жылдағы дәстүр бойынша алдын ала белгіленген маршрут бойынша Кенесары ескерткішінен төмен орналасқан айлақтан бастап Ақ ордаға дейін жалғасады. Ол кезде бағыт ұзындығы 18.8 шақырымды құрап, ересектер үшін билет құны 1000 теңге, ал балалар үшін 500 теңгені құрайтын болады.

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер