Басып шығару нұсқасы
06.04.2018ж.

Қай стақан ұнайды? (психологиялық тест)

Қай стақан ұнайды? (психологиялық тест) Қай стақан ұнайтынын таңдаңыз

Суреттен өзіңізге ұнайтын стақан таңдап, нөміріне сәйкес сипаттамасын оқыңыз, мүмкін сіз туралы жазылған болар. 2-3 стақанды таңдасаңыз да болады. Ал, кеттік.

Сіз өзгелерден өзгерексіз, үнемі көңілді жүресіз, адамдармен тез араласып кетесіз. Басқалардан тек жақсылықты көріп, жағымды ойлар ойлайсыз, бұл өзіңіз үшін де жақсы. Жануарларды жақсы көресіз, қызықты фильмдер көріп, әңгіме-дүкен құрған да ұнайды. Романтикалық кештерге қарағанда, жақынмен өткізген жарты сағатты артық көресіз. Санға қарағанда сапаны жоғары қоятын адамсыз. Әдепті жансыз, күнделікті қайталанатын әдетіңізді бұзғандарды ұнатпайсыз. Сырт көзге өзіңізге сенімді көрінесіз, бірақ іштей өзін-өзі бағалау деңгейіңіз төмен. Ақылды, парасатты жансыз, барлығын бақылауда ұстайсыз. Сізге сақ болу керек, себебі кейде сенімді ақтамайтын адамдарға да сеніп қаласыз. Өзгелерге шабыт беретін әңгіме айтуды ұнатасыз. Сіз өзгелерге пайдаңызды тигізуді ойлап тұрасыз. Ұйымдастыру жұмыстарында жолыңыз болғыш. Бірақ үйде бәрі басқаша. Жеке өміріңізде тепе-теңдікті табу қиын, жиі жүйкеңіз жұқарады. Барлығын назарда ұстағыңыз келеді, бірақ ол үшін балансты табу керек. Өмірге деген терең көзқарастар қалыптастыруға көбірек уақыт бөліңіз. Сіз үнемі бір жаққа асығасыз. Тәуліктің жиырма төрт сағаты аздық ететіндей қабылдайсыз. Оңашада ойлануды ұнатпайсыз, сол себепті үнемі айналысатын бір нәрсе табуға тырысасыз. Қатаң тәртіппен жүресіз, бірақ бақытты өмір үшін бұл сізге керек пе, оны да ойлап қойыңыз. Шабыт беретін адамдармен жиі араласыңыз. Бір сәт аялдап, әлемнің рахатын сезінуге уақыт бөліңіз. Ойшыл әрі мейірімді жансыз, бірақ сізге өмірде эмоциялар жетіспейді. Болашаққа нақты қандай мақсатыңыз бар екенін білмейсіз, алайда пайда әкелерін сезесіз. Не нәрсе бақыт сыйлайтынын, жаныңыз не қалайтынын түсінуіңіз керек. Өмірді сүйесіз, демалысты жақсы көресіз, бірақ сізге бір кез жұмысыңызды да сүйіспеншілікпен істеу керек. Өз қадір-қасиетіңізді арттыра біліңіз. Сіз еңбекқор әрі өзгермелі адамсыз. Сезімдеріңізді сыртқа шығаруды ұнатпайсыз. Әлемді өзгерте алатыныңызға сеніміңіз мол. Сізбен араласқан адамдар бойыңыздағы қарапайымдылықты жоғары бағалайды. Өмірдің мәнін мұңнан іздейсіз, өз-өзіңізбен жиі торығып отырасыз. Негізінен жайсыздық пен депрессия өміріңізді тек қиындата түседі, сол себепті одан бас тартыңыз. Сіз уайымшылсыз. Сондықтан өмірдің тосын сыйларына жолықпас үшін, барлығын алдын ала жоспарлап қоясыз. Ауырдың астымен, жеңілдің үстімен жүресіз, ештеңенің байыбына бармайсыз. Шынайы қарым-қатынастан қорқасыз. Қызығушылықтарыңыз бен армандарыңыздың артынан ілесуге жүрексінбеңіз. Жаныңызға шаттық сыйлайтын істі табыңыз. Жүйкесі тозған, жаңашыл идеяларға бай, жұмбақ жансыз. Жаңа нәрселер ойлап тапқышсыз, бұл өмірге деген көзқарасыңызды батыл көрсетуге көмектеседі. Интроверсияға жаныңыз жақын, іске берілген, терең ойлы жан деп сізді айтамыз. Интеллектіңіз қалыпты, ішкі түйсігіңізге сеніп, шабыттың қайнар көзін іздеңіз. Сізді басқалар жақсы көріп, сыйлап жүргені өте ұнайды. Парасатты әңгіме, жақсы кітап, жаңа білім, сүйікті әуендер – сіз үшін ең жақсы күннің құрауыштары. Әрдайым кішіпейілсіз, бұл сізге ерекше күш береді. Жетістіктеріңіз арқылы басқаларды басқарғыңыз келеді, бірақ имиджіңізге нұқсан келтіретін бірден-бір жағдай – эгоистік. Айналаға зер салыңыз, сізден де басқа жақсы көруге тұратын дүние жетерлік. Өте жігерлі жансыз. Уақытты бекер өлтірмейсіз. Идея, мүмкіндік, тәсіл – бар жаңашылдыққа құшағыңыз ашық. Жүйелілікті жақсы көресіз, шығармашылық бағытқа ұмтыласыз. Негізінен өте жақсы жазасыз. Оқуды да, тамақ әзірлеуді де жақсы көресіз. Бірақ әлі басталмаған іске кірісіп кетуден қорқасыз. Әліптің артын бағасыз. "Көз – қорқақ, қол – батыр" екенін естен шығармаңыз. Көңілді, тапқыр, шығармашылыққа жақын жансыз. Бірақ ештеңеге қол жеткізе алмайсыз. Ауқымды жобаларды жиі қолға аласыз да, орта жолда тастап кетесіз. Себебі қиын не қызықсыз болып кетеді. Адамдар өзін қалай ұстайтыны туралы жиі сөз етесіз. Шындығында, ішкі жан дүниеңіз қай іске қабілетті екенін білмейсіз. Әрдайым қолдауды қажет етесіз. Бойыңызды бос ұстап, заттарға тереңірек үңілуге тырысыңыз. Көңілді әрі еркетотай адам – ол сіз. Өмірге өте жеңіл қарайсыз. Әдетте адамдар сізді жақсы көреді, жаныңызға жуық жүргісі келеді. Кездесулер мен жиын-кештерге жаныңыз құмар. Жаныңыздағылар бақытты болса, сіз де бақыттысыз. Бірақ өзіңізді жоғалтып алмаңыз! Ұзақ уақыт жалғыздықта қалсаңыз, депрессия басталады. Өзгелердің сәтсіздігіне алаңдаумен жүресіз. Бірақ қалай көмектесуді де біле бермейсіз. Қоршаған ортаға үреймен қарайсыз. Үйреншікті нәрселерді жақсы көресіз. Артыңызға жиі қарайсыз, кейде өткенге оралуды аңсайсыз. Өткен өзгерістерге қарамастан, әр істің жақсылығын көре білуді үйренуіңіз керек. Сәтсіздіктеріңізге өзгелерді кінәлайсыз. Бірақ есіңізде болсын, әркім – өз бақытының ұстасы. Сіз күннің көзінде отырып, ұзақ жұмыс күнінің соңына жеткенде мұзды сусын жасап ішкенді жақсы көресіз. Сізде ешқандай менмендік жоқ, оны мәнсіз деп санайсыз. Сізге өмірдің биік деңгейі ұнайды, бірақ ол ертеңгі күннің кепілі емес екенін білесіз. Өмірден барынша бүгін ләззат алып қалуға тырысасыз. Адамдармен араласуды ұнатасыз, ешкімді жоғалтқыңыз келмейді. Сіздің күш-қуатыңыз тасып тұр. Әлемді өз көзқарасыңызға сай өзгерткіңіз келеді. Әрдайым адамдардың назарында болып, олардың көңілін аулауды ұнатасыз. Барлығы сізбен бірге уақыт өткізгенде көңілді болғанын қалайсыз. Шытырман оқиға ортасына түсу мүмкіндігін жіберіп алғыңыз келмейді. Отырыстарға барсаңыз, қызықтан құр қалмау үшін ең соңғы болып кетесіз. Өзіңіз қайырымды болсаңыз да, өзгелердің жасаған жақсылығын қабылдауға қысыласыз. Негізінен эмоцияға байсыз, оны шығаруға қорықпаңыз.

Дереккөз: massaget.kz

Ұқсас сілтемелер