Ақжелкен маскасы. 2 ас қасық ақжелкенді ұсақтап, 2 ас қасық балғын айранға араластыру қажет. Бетке 30 минутқа жағып қойыңыз. Ем үшін 3 апта жасау керек.

Қияр маскасы. Қиярды үккіштен өткізіп алыңыз. Қоймалжыңды бетіңізге жағып, 20-30 минут ұстаңыз.

Ашытқы маскасы. 15-20 г ашытқыны жарты шай қасық лимон немесе грейпфрут шырынымен араластыру керек. Бетке 20 минутқа жағып, кейін жылы сумен шайып тастаңыз. Бетті жақсылап сүртіп, крем жағыңыз.

Бүлдірген маскасы. Бүлдіргеннің 10-15 талын езіңіз, үстіне бір ас қасық кілегей қосып, бетіңізге 20 минутқа жағып қойыңыз. Уақыт өткен соң жылы сумен жуыңыз.

Бадам маскасы. Бір уыс бадамның үстіне 100 г ыстық су құйыңыз. 10 минуттан кейін суын төгіп, бадамды еттартқыштан өткізіп алыңыз. Ботқаға жарты лимон шырынын қосып, жақсылап араластырып, бетіңізге жағып, 20 минутқа қалдырыңыз. Аптасына 2 рет 3 ай бойы пайдаланыңыз.

©jastar.kz