Басып шығару нұсқасы
29.04.2018, 15:36

XV Еуразия Медиа Форумына Матео Ренци мен Роджер Фиск қатысатынын растады

А.ж. 22-24 мамыр күндері XV Еуразиялық Медиа Форум өтеді. Биылғы Форум Алматы қаласындағы The Ritz Carlton отелінде болады.

Іс-шара жыл сайын әлемнің алпыстан астам мемлекетінен халықаралық және қазақстандық БАҚ өкілдерін, саясаткерлер мен сарапшыларды бір алаңға жинап келеді.

Осы жолғы Форумның хэдлайнерлері ретінде Италияның экс Премьер-министрі Матео Ренци мен Барак Обаманың коммуникациялар жөніндегі кеңесшісі Роджер Фиск қатысатынын растады. 

«Эволюцияның 15 жылы: әлем қалай өзгереді және бізді қалай өзгертеді» тақырыбындағы Форумның «Халықаралық қарым-қатынастар эволюциясы» сессиясында Италияның экс Премьер-министрі Матео Ренци басты спикер болады. Сессия модераторы – ТАСС бас директоры Михаил Гусман.

  Барак Обаманың коммуникациялар жөніндегі кеңесшісі Роджер Фиск «Ақпараттық технологиялар эволюциясы: нақты деректен фейк жаңалықтарға. Алаңдауымыз қажет пе?» сессиясының басты спикері болып табылады.

Сонымен қатар, Форум қонақтарын қызықты пікірталас алаңы,  маңызды тақырыптар, мазмұнды әңгіме, спикерлердің танымал шоғыры күтеді.

Еуразия медиа форумы 3 күн өтеді. Жиында 7 пленарлық сессия болады. Сондай-ақ, әлемдік сарапшылар шеберлік дәрісіне бір күнді арналады. 

Ұқсас сілтемелер